今日(7日)網上流傳一段「天眼」影片，據報現場在油麻地一商場內，片中見1名身穿黑白色上衣、黑短褲及黑色運動鞋的男子，在一商場的店舖前懷疑盜竊，他將一盒物件放入一個黑色袋後，期間所穿的短褲鬆脫掉落露出內褲，他仍懵然不知，行前數步方發覺，隨即將短褲抽起。片段亦至此完結。
貼主留言指，「偷嘢呢啲事件唔少見，但係除住褲偷嘢我就真係第一次見，定係偷完驚到褲都甩埋？呢條友鬼鬼鼠鼠(祟祟)喺門口偷咗盒價值約$1650嘅卡，睇佢個樣都似慣犯 見有機會就偷，喺「現時點」嘅大家小心啲，如果大家見到佢 麻煩都幫幫忙可以聯絡一下。」。至於事發日期則未有透露。
有網民留言指，「成個po嘅重點去咗佢甩褲到(度)，好好笑」、「緊張到條褲都甩」、「癲得好緊要」、「光天化日大老爆」，亦有人向店東表示，「真係唔建議近門口放貨」。