昔日「亞視小花」袁潔儀與寶珮如（Baby）獲邀作客由伍詠薇（伍姑娘）與李凱賢主持的節目《九運會客室2》。這對相識超過三十年的患難姊妹，在節目中重提 1999 年寶珮如遭遇慘烈車禍導致下顎骨碎裂、毀容兼面臨癱瘓的人生浩劫。
1999 年一場致命車禍，將當時正值花樣年華的寶珮如打入無底深淵。車禍撞傷她身體好多骨、盆骨破裂、面部嚴重毀容，經歷多次手術、長達 7 年的痛苦復康期。回想那段生不如死的黑暗歲月，寶珮如哽咽透露當時甚至連行走都成問題：「盤骨裂骨真係好痛……幾年入面沖涼、洗頭咩都係瞓喺張床度，每隔幾個月就要再做手術，每日 24 小時都要著住特製壓力衣，我覺得自己同廢人冇分別，好似坐監一樣！」由於面臨天文數字般的龐大醫療費，花光所有積蓄的寶珮如幾近絕望，只能在痛哭中向好友求助。
作為無話不談的摯友，袁潔儀在事發後第一時間趕赴醫院探望。但推開病房門見到昔日美貌的好姊妹滿身傷痕、面目全非時，袁潔儀受到的心理衝擊大到無法承受。袁潔儀硬撐著笑容說謊掩飾：「去到醫院見到佢嗰個樣，我真係好震驚、好驚！但我唔可以喺佢面前喊，我忍唔住同佢講：『Baby，我有啲急尿，我去一去廁所先！』其實我係衝入廁所鎖埋門瘋狂大喊。我哋靠樣搵食㗎嘛，當時佢傷得咁嚴重，我真係好憂心：佢未來點算？佢到底點過落去？」為了保護好姊妹的自尊與心靈，袁潔儀當時更狠心下令「收起病房所有鏡子」，堅決不讓寶珮如看到自己當時毀容的模樣。
寶珮如在節目中滿懷感激表示，當年自己窮到連食飯同睇醫生都冇錢，袁潔儀是她生命中的「守護天使」，每個月都主動塞錢資助她渡過難關。但令寶珮如萬萬料想不到的是，這個「秘密」背後竟然藏著袁潔儀極度辛酸的自我犧牲！原來在寶珮如出事同一年，袁潔儀自身亦慘遭命運重擊——突然被亞視解約失業，同時相戀多年的男友亦人間蒸發，瞬間陷入「無工開、冇愛情」的雙失絕境。但面對瀕臨崩潰的寶珮如，袁潔儀將僅有的微薄收入全數分給好友：「我見到佢咁痛、面臨咁大嘅難關都咁頑強想生存落去，反而成為咗對我嘅救贖！我個樣明明仲可以見人，佢都堅持緊，我憑乜嘢唔堅持？呢餐搵到錢我畀你，下一餐我搵得仲多呀！」
聽到袁潔儀隱瞞了足足 27 年的剖白，而坐在旁邊的主持伍詠薇亦被這份純粹而偉大的姊妹情感動到淚崩，全場三個女人齊齊攞紙巾抹眼淚，連主持李凱賢都要急忙遞紙巾解圍。