鄧萃雯近日因《女人唔易做》人氣再度急升，昨日她為某美容院做剪綵嘉賓，即吸引近百途人圍觀，雯女十分親民，不斷與途人揮手兼握手，場面熱鬧！
雯女表示今次做剪綵的酬金相當可觀，更獲老闆娘承諾任她做facial，她自言過去從不花太多心機去保養皮膚，不過自從早前她與陳法蓉和羅慧娟到歐洲參加布道會，才知道「靚女唔易做」，她說：「陳法蓉和羅慧娟一落機就抽時間敷mask，所以佢先keep得咁好，我真係要檢討一下，因為呢個世界只有懶女人，係冇醜女人！」
此外，雯女下周將會為無新劇《師奶兵團》試造型，飾演一對龍鳳胎的媽咪，她說：「我以前都試過客串做師奶角色，不過主力做師奶，都係我第一次！」
鄧萃雯大打親民牌，主動與小朋友握手。