鄭嘉穎昨日出席「變靚Ｄ」簽約儀式及擔任評判選出最有潛質減肥者，他稍後將會以大隻佬代言人身份示人，雖然他不肯透露酬金數字，但表示這次是入行以來收過最好的酬勞。
嘉穎表示會簽約兩年任代言人，雖然這次酬金滿意，但他卻不會以泳褲及緊身褲拍照，只會露出胸肌，僅供觀眾看到線條，對於要操出靚身形，他說：「其實我好為食，但簽約就有責任要戒口，不過我會照食飯，意志力係最緊要，（ＴＶＢ有無怪你影性感相？）無話咩，男仔影相健康就ＯＫ，我都係騷線條。（怕唔怕人將你同湯鎮業比較？）好難比較，大家唔同類型，不過今次係一個好好機會畀我另外一面大家睇，其實我係斯文又得，運動型又得。」
同場的肥媽與湯鎮業亦有出席任大會評判，阿湯笑說：「我係型佬，嘉穎係型仔，我遲會一齊拍廣告，而家keep住百五磅，太瘦就唔好睇。」
鄭嘉穎希望趁做代言人的機會一改自己斯文形象，加入型男行列。