世界盃即將開鑼，黃伊汶（Emme）也來湊熱鬧拍攝世界盃飲食節目，短短兩日已吃盡十間餐廳，立即胖了六磅，認真誇張！
Emme前晚出席好友「DipNation」開幕酒會，其他出席嘉賓還有2R及寇鴻萍夫婦等。Emme透露最近與曾志偉等人一同合拍世界盃的飲食節目：「我兩日面食十間餐廳，我本身好鍾意食，搞到兩日就肥六磅，不過好在我之前瘦少少，所以而家肥番都唔係咁覺眼！」
靠緋聞做宣傳 此外，對於早前「校長」譚詠麟公開炮轟環球欠缺宣傳，為此Emme認為校長都是為他們爭取福利，她說：「其實最重要係藝人同公司本身溝通，尤其係而家唱片業賺錢咁難！（校長話陳少寶最鍾意用緋聞做宣傳？）其實任何宣傳都有正面同負面，睇你點睇！」記者即打蛇隨棍上，笑問她的緋聞孰真孰假？她醒目地說：「總之少寶係一個好有腦人，成日諗到好多橋！」
男友要夠幽默 同場的2R表現得非常雀躍，對場內的畫廊很感興趣，她們透露自己很喜歡畫畫，又謂曾收過男孩子送的示愛畫卡，問兩人可有動心？2R笑笑說：「拍拖要睇好多方面，唔係憑一幅畫就得；（係咪最緊要唔好一腳踏兩船？）呢個都唔係最重要，感情包括好多，好似安全感同幽默感都好重要！」
採訪：AdaLam 攝影：PeterLee
黃伊汶現正拍攝飲食節目，兩日內肥六磅。