胡琳lowcut撼贏2R 21/05/2006
前晚，樂壇女新人胡琳與前輩2R、Shine及吳浩康等齊齊為《艾菲一夜又成名》歌唱比賽擔任表演嘉賓，以紅黑配姊妹裝出現的2R，慘被白色性感lowcut裙奇峰凸出的女新人胡琳撼贏，搶盡兩姊妹風頭。
胡琳與詩、泳兒同樣被喻為今年最矚目女新人，胡琳對此表示：「之前我都試過同台演出，睇過晒佢唱功，詩同泳兒都唱得好好。」但問到較為欣賞哪位？她笑笑口說：「我唔講，有好對比至有進步。」
做奶奶隊 而2R對於日前譚詠麟批評環球唱片公司宣傳不足，Rosanne拍掌和應，Race亦說：「譚校長講出，要講聲多謝。」但Race又隨即補鑊說：「其實都好難怪公司，唱片市道咁難做，我仲算新人，唔可以投訴，市道差成咁，幾多宣傳都唔夠啦。」兩人更坦言擔心校長不續約，並謂會諗出絕招令校長留低，不過Rosanne卻口快快講錯：「陪校長踢波囉，我會做『奶奶隊』（啦啦隊）。」Rosanne知發音錯誤後即狂笑。
胡琳前晚以白色lowcut裙上台演唱。