梁詠琪、宣萱及陳嘉容等，前晚齊齊出席《再見！流浪犬》慈善首映活動。愛心爆棚的梁詠琪（GiGi），一見到芝娃娃，即將牠一擁入懷，但「小芝芝」不斷甩毛，令Gigi滿身滿口都是毛。
「不過我都慣，屋企狗都成日甩毛，最好笑我有隻狗叫家明，每次我成身毛走出街，佢都會笑我帶埋家明一齊。其實除養狗，我仲養一隻貓。我好錫佢，我會一齊食飯，你一啖我一啖咁。（唔怕唔生？）唔怕，用筷子嘛！」
至於宣萱，則要向《賭城風雲》劇組請假才能抽空出席活動。「我好驚會喊，但我要忍住，唔係隻眼腫晒開唔到工。我最近都好煩，因為屋企狗開始老同有病，可能會差唔多時間一齊『走』，我真係驚到時要接受心理輔導。」
梁詠琪笑言家中貓狗經常爭風呷醋，不過她自己偏心貓咪多一點，還不介意與牠一同吃飯。