一度被傳經濟拮据的關之琳（之之），直認自己大花筒，冇家庭負擔的她揚言趁「行得走得」，要好好享受人生！談及未來生活，之之坦言有計劃移民及全面退出娛圈，當被問及與「新歡」的關係，靚女則以笑避談。
【朱偉光江蘇直擊】之之日前出席江蘇天目湖度假區涵田樓盤活動，並參與當地清談節目，與多位內地富商大談生活之道。之之承認當藝人壓力大，直言花錢是自己的動力來源：「咁辛苦工作都係為享受，我冇家庭負擔，爸媽生活早已安排好晒，第時錢都唔知留畀邊個。呢度咁多人中，我應該係最唔識搵錢一個，但我相信自己花錢最多，有能力咪花囉，趁仲行得走得，要好好享受。」
計劃息影移民 至於未來動向，原來之之已有計劃十年內息影：「到時我會離開香港，移民去另一個地方，過平淡生活，希望學多充實自己。」期間有中年影迷向之之「賣口乖」，向她討駐顏之術，得之之笑逐顏開：「我知道自己工作唔可以永遠，想通就保持心態平衡，做人樂觀，自然靚。」
之之離場時被追問與「新歡」Johnathan的關係，起先沒有多大反應的她，聞得記者稱Johnathan為她的「好姐妹」時，即笑了起來，似默認對方為「閨中密友」多過拖友。
關之琳參加清談節目，一派氣定神閒。