詹瑞文前晚在灣仔演藝學院舉行首場《萬世歌王》演出，曾與他合作《大娛樂家》的梁詠琪，竟遲足半個鐘才到場，相反抱學習心態的林嘉欣，除準時到場，更表示會邊睇邊做筆記。
與助手同行的梁詠琪為遲到解釋，她說：「我拍完新歌《給自己的情歌》MV趕，同阿詹識幾年，又合作過，點都要捧場。」
林嘉欣則抱學習心態睇騷，她說：「阿詹上次《男人之虎》演出我睇五次，今次要再睇多，佢每場演出都有唔同。我諗我好難以觀眾身份睇騷，我會邊睇邊做筆記，因為遲我會同佢合作舞台劇，要做戲同唱歌，心情有緊張，因阿詹要求高，會鬧人，但我就未試過被佢鬧喊。」另外，因工作未能捧場的劉德華及郭富城，就送上花籃祝阿詹演出成功。
林嘉欣抱學習心態捧詹瑞文場。