名模Rosemary身材一向出眾，每逢夏天都好恨有一身honeyskin，可惜因知名度而不敢在港裸曬，聲言在外國就一脫無妨，香港男士認真冇眼福！
昨日MISSHA於大埔超級城開設第十一間概念店，大會邀請名模Rosemary、吳雨恩、譚凱琪，以及姐姐譚凱欣等主持簡單的剪綵儀式，同場還有黃瑩。單拖出席的Rosemary因媽咪Julie去了泰國出席友人婚宴，獨自在家的感覺很孤獨。問她夏天會否曬一身古銅色？她說：「我好鍾意honeyskin，我會香港住比堅尼曬。以前我試過曬傷皮膚，甩皮甩到好似斑點狗。（有冇試過裸曬？）有，好細個陣囉！我都仲未入行。（依家敢唔敢裸曬？）我始終有知名度，香港唔敢，如果外國都可以考慮。不過，模特兒唔可以曬得咁黑，否則會接少工作。」
譚凱琪雷德賢冇發展 Rosemary弟弟即將回港過暑假，笑言到時會齊齊行騷搵錢，她說：「我真係好掛住佢，想佢快返，到時我會搵埋佢行騷，賺外快，幫補學費。其實，我依家想將多時間放歌唱事業度，我都寫好幾首歌，希望年尾可以出到第二張個人大碟。」
此外，譚凱琪被問到有否與九巴後人雷德賢聯絡？她再次澄清說：「雷生同我姐夫朱永棠好熟，係姐夫介紹畀我識，我都識六、七年。（佢有冇追過你？）冇喎！總之我係朋友，冇發展機會。」採訪：名人小組
Rosemary身為名模，在港名氣響，不敢貿貿然裸曬！