鄭融對於有傳她和陳苑淇爭仔而擘面，似乎未受到是非影響，她表示：「我第一次有呢新聞，但成件事都唔關我事，亦冇乜需要回應！」鄭融坦言認識陳苑淇男友：「我十六歲時已經識得個男仔，成班朋友一齊玩，但就唔熟，亦冇對方聯絡電話。」至於日後與陳苑淇碰面可會尷尬？鄭融即意有所指說：「新聞還新聞，我讀過書，有養，父母亦有我見到人要打招呼！」
她又煞有介事說：「我好認同陳苑淇講法，一腳踏幾船男仔唔係我擇偶條件，我鍾意合眼緣同心地好男仔，最緊要係冇女朋友！」
不過問私生活 而陳苑淇（Jolie）昨日被問到有讀者爆料，公開她在網上寫給「好友消防員」的曖昧留言，又踢爆對方一腳踏四船，她否認拍拖，但因對方的負面新聞而大扣分，問到她形容「消防員」做ＣＰ何解？她說：「因為佢中學打籃球，我叫佢係center-post（中鋒）咁解。（接唔接受到一腳踏四船？）如果係拍拖就梗係唔得。（覺得佢係賤男？）我又唔想咁話自己朋友，不過佢私生活我又唔理得咁多，其實個留言係我幾年前美國讀書時候留啦。（發展咁耐？）唔係，係識咁耐。（之後仲有冇聯絡？）陣間會打畀佢。」
陳苑淇不能接受男友一腳踏四船。
鄭融昨日心情大靚，並沒受到是非新聞影響。