莫文蔚（Karen）與「底」有緣，昨日出席以足球為主題的活動時，不經意露出「黑底」，她更自爆常收到內衣褲作為禮物，亦愛送孖煙底褲給男友馮德倫及男性友人，朋友之間不時「底來底住」。
Karen出席假將軍澳新都城中心舉行的MV首播會時，身穿吊帶牛仔短裙，並以T恤打底，可是和小朋友一齊起飛腳踢巨型吹氣足球時，只顧整理跌膊的吊帶，疏忽了裙底春光露出黑色內褲，睇到台下觀眾眼甘甘。Karen接受訪問時表示，經常收到朋友送贈性感內衣褲，估計好友楊采妮、梁詠琪今年亦是送內衣褲作為生日（六月二日）禮物。
她說：「佢夾份送生日禮物畀我，份禮物仲公司未，不過我估都係內衣褲，可能見我新碟度內衣褲有關喇，不過平時我都收到好多呢禮物，有內衣褲好靚，我都唔捨得，只擺度睇。（男友有冇送過內衣褲畀你呀？）冇，不過我都鍾意送孖煙畀人，男友同其他男性朋友都有送過，唔擔心畀人誤會。」
生日與男友撐腳 Karen的生日已過，但昨日仍有十多位歌迷送上蛋糕、花、公仔及巨型生日卡，為偶像補祝生日，生日那天，Karen與男友撐腳過浪漫二人世界，問到她男友可有送上驚喜禮物，她稱稍後才補送，為免男友為送禮物而費神，她大送貼士說：「細個時我好鍾意一個公仔，咩名就唔記得，不過已經絕版，如果佢搵到畀我就好啦。」
另外，商台誘導聽眾性騷擾女藝人，她覺得只是開玩笑，大家不用太認真。
文：音樂小組
Karen在商場主持開球禮，大腳踢吹氣足球。