近期名揚國際、哄動全城的「巴士阿叔」短片主角陳乙東，一片成名後向傳媒索取受訪費，把握i銀機會。正牌「阿叔」林尚義卻不值其所為，昨日受訪時明寸「巴士阿叔」：「搞到滿城風雨，呢條友係有目的，佢都搵唔少啦！」
「巴士阿叔」罵人事件廣泛流傳後，「你有壓力、我有壓力、你做乜挑釁我呀」、「未解決、未解決、未解決」成為不少市民茶餘飯後的口頭禪，主角陳乙東的身份在傳媒明查暗訪後終於曝光。不過短片最初流傳時，有人指「巴士阿叔」的聲線與資深足球評述員「阿叔」林尚義極為相似，有網友更直指片中以粗言罵人的主角正是阿叔，令短片在網上的人氣更盛。
佩服溝女本事 一度蒙冤的正版「阿叔」林尚義昨日講起「巴士阿叔」的新聞時，句句寸盡陳乙東，阿叔說：「我有睇過短片，恭喜佢囉，呢條友搞到滿城風雨，依家仲有人搵佢做，幾好呀，唔使綜援；佢仲話選特首，祝佢成功啦，不過如果真係畀佢選到，香港都唔知會變成點喇！」
「阿叔」對陳乙東最不滿是他向傳媒索錢接受訪問，他說：「佢接受傳媒訪問要收錢嘛，佢應該搵唔少啦，簡直掠水，又唔見我做訪問要收錢，你（指記者）每人畀十皮。」
一直也有人懷疑「巴士阿叔」就是他，他說：「根本就唔係我，不過都好多人打問係咪我，仲有狗仔隊樓下等我。我自己有車，點會坐巴士呢，去元朗做乜呀？」不過，有一件事是阿叔唯一心服陳乙東的，就是他聲稱甩拖後，近日又有另一新歡，阿叔笑說：「咁有本事，服佢囉！」
接班人未解決 阿叔接受訪問後回到錄影廠錄影世界盃節目，他披起紅色西裝講波戰衣時問現場觀眾：「我似唔似巴士阿叔呀！」觀眾頓時起哄。而主持林敏驄問到阿叔要在四名候選評述員中挑選兩位做接班人可有壓力？阿叔即以「巴士阿叔」口笑說：「好大壓力，未解決。」
另外，為節目擔任嘉賓的陳敏之和李彩華昨日合照時猶如「連體嬰」，原來兩人早前因拍劇而熟絡，兩人更結義金蘭，以姐妹相稱。
你有壓力、我有壓力，你做乜扮我呀！（設計對白）
嗚嗚，因為兩餐未解決囉！（設計對白）
陳敏之和李彩華合照時驟眼看猶如「連體嬰」。