鄧萃雯、謝天華及葉童等昨日出席新劇《師奶兵團》造型記者會，今次雯女與天華繼《女人唔易做》之後再續情緣飾演夫婦，雯女笑言被劇中老公天華「食住」，當她要求對方於拍劇期間包食包接送時，卻慘被天華敷衍！
女強人鄧萃雯（雯女）變身師奶，「賤man」天華亦變身「familyman」，兩人於劇中更有一對六、七歲的龍鳳胎，天華自豪地說：「你睇佢，冇晒霸氣！」在旁的雯女就反駁說：「一個健康家庭，應該係男人作主，不過你真係食得住我先好喎！」
慘被敷衍 之後雯女就要求天華在拍劇的兩個月內包食包接送，天華隨口敷衍答應，雯女即數他說：「好難！佢拍《女人唔易做》都好少萬歲！多數係林第一個請！」天華即「自兜」謂：「我係一家之主，有資源都擺仔女度啦！」問到二人有否親熱戲，雯女說：「一對仔女都咁大，邊有親熱戲呀！」不過天華則說：「有，仔女覺咪有囉！入房聽唔到！」
監製昨日踼爆在第一集中師奶會以泳裝上陣，問雯女會否穿三點式？她說：「師奶唔三點式！不過我唔怕，我有件『一件頭』珍藏，顏色鮮艷唔緊要，但唔性感囉！」在劇中專跟雯女鬥氣的另一師奶葉童則說：「泳衣？唔使？我好緊張喎，我會游說佢跑步算數！跑步露腿咪算囉！除非徇眾要求啦！」
文：專題小組
鄧萃雯要求謝天華管接送及包食兩個月。