梁漢文（Edmond）和楊千嬅繼早前為合唱嗌交歌《滾》拍KTV大打出手後，前日再為TVB拍MV不停嗌交，嗌足六粒鐘，烈女千嬅依然中氣十足，Edmond就要飲水抖氣，嗌交對這位烈女來說真係濕濕碎。
導演要求兩人一take過一口氣嗌到整首四分鐘長的歌播完才可以停止，雖然兩人都好戲又夠氣，但連續嗌了幾次後，二人終於頂唔順，齊向導演要求抖抖及飲啖水先。Edmond說久未與人不停咁嗌法，又說嗌交比唱歌更氣。千嬅卻氣定神閒說：「講到呢，你真係唔夠我pro（professional專業）啦，我呢烈女嘛……哈哈！」
最後兩人連續嗌了六粒鐘導演才滿意收貨，比預期早收工。而每次NG都是因為忍不住笑，其中有個鏡頭Edmond發脾氣把上所有東西掃落地，因為只得一套餐具，導演叮囑他不可以NG，Edmond成功一take過關。
梁漢文與楊千嬅為《滾》歌拍攝ＭＶ，兩人嗌交嗌足六粒鐘。