汪明荃（阿姐）早前跟杜琪發生爭拗後，又因捍粵劇界利益公開炮轟政府，不過最後竟傳出她私下向官員道歉，阿姐有錯照認，證明她有當領導人應有的量度。
最近官場流傳阿姐公開炮轟藝術發展局拖欠新光戲院裝修費後，致電副主席黃景強道歉，原因是新光戲院方面已收錢。昨日阿姐與秦沛、佘詩曼拍《東方之珠》外景時，詳細向記者解釋：「其實次籌款係幾個單位搞，我做召集人，咁政府一路未畀錢，人裝修完冇錢畀，我咪要追數囉，點知原來我公開鬧政府唔畀錢之前幾日，政府畀，但收錢新光戲院又唔出聲，後尾知道（收錢）咪打電話畀黃景強講番囉。之後我都有寫信畀新光，叫佢交代晒清楚條數出，咁我可以盡快放低法律責任。」問到阿姐可有覺得鬧錯人？她認真的說：「都唔係，政府係真係遲好多至畀錢！」
佘詩曼黐飲黐食 而昨日外景戲份，剛巧講述秦沛（Paul哥）還錢給阿姐，並遭阿姐訓，Paul哥便講笑說：「我戲中好驚阿姐，其實我平日都好驚佢，陣間佢又話要寫信畀我喇，我代表政府向你道歉。」
此外，阿佘首次跟阿姐合作並未感到壓力，問到可覺得阿姐又嚴肅又惡，阿佘笑說：「唔惡呀，亦都唔嚴肅，佢都有講笑，冇見佢鬧過人，我都抱住學心情同阿姐合作，好正，阿姐成日叫工人煮飯、煲湯，我可以黐餐，我平時少飲湯水嘛。」
採訪：專題小組
而家至畀錢，有冇遲呀你！