陳奕迅（Eason）昨日左手戴婚戒出席慈善活動，由於天雨關係，活動移至室內舉行。活動上，Eason獲委任為「光明大使」，並透露會於本月十三日起程赴印度新德里進行六天探訪，且會參觀眼疾的手術過程。
Eason表示，為了今次行程，事前已打定預防針，提防霍亂、日本腦炎和甲型肝炎。雖然當地虐疾肆虐，惟Eason卻未有接受虐疾預防注射，他說：「呢個係個人選擇，因為有副作用！」為了提防虐疾及水土不服，他會帶備蚊怕水、洗手Gel，又會多淺色衫，及帶備食水和即食麵。由於囡囡陳康堤年紀尚幼，抵抗力弱，故Eason自言返港後會自我隔離一段時間，確認沒有帶菌才與囡囡接觸，他說：「Check清楚先啦，想問楊利偉借太空衣去！」
唔畀囡囡睇電視 Eason謂上次為饑饉赴印度的加爾各答探訪，當時與同行的楊千嬅均未有接受預防注射，返港後Eason出現發燒症狀更需入院治療，他說：「時嚇死我，原來係捱得犀利，扁桃腺炎！」
由於今次探訪是檢視當地眼疾問題，Eason說平日亦不建議讓囡囡睇電視：「卡通片會畀佢睇，但限定時間，細路仔聽音樂好，我工人鍾意唱歌，佢（囡囡）又未夠高上電腦，屋企都少開電視。」
陳奕迅、羅敏莊與小朋友出席慈善活動。