胡杏兒昨日出席新劇《肥田囍事》造型記者會，穿貼身吊帶白色裙及高鞋的杏兒，三圍簡直「Big爆」，期間更於傳媒面前上磅及用尺度腰圍、坐圍，上圍升了兩Cup的她更不時瞻前顧後，雖然之前增肥的日子有如「坐月」般，不過杏兒似乎愈肥愈開心。
胡杏兒自三月尾接拍《肥》劇後，四月便開始地獄式增肥，除了一日多餐，早餐、消夜都狂吃即食麵外，更逼自己狂吃雪糕，直至現時為止，已增肥三十磅，昨日見她手瓜起兼現大肚腩，上磅時體重達143磅、腰圍有34吋、坐圍則達40吋，更帶挈上圍都有暴脹，仲連升兩Cup。杏兒一見傳媒，即謂：「係咪見到我都飽呀？我由細到大都未試過肥，雖然之前好多工作都推，但見到大家反應都覺得好值得。」
食共似坐月 不過杏兒坦言增肥過程非常辛苦，她說：「我向來鍾意食，而家唔知係咪有心理障礙，見到食都厭，食完又，好似人生完BB坐月咁！」不過杏兒就肥得好開心，她笑說：「我而家照鏡都好開心，身材S形！不過就個肚腩度囉！」雖然現時已有不少纖體公司向杏兒招手，但她坦言不擔心之後不能「回復」苗條身材，她說：「增肥辛苦過減肥呀！不過公司話唔怕，最多畀肥角我做。」
胡諾言裝假肚 劇中另一「肥友」胡諾言昨日就裝假肚及口含了一個「牙托」，雖然他已努力增肥十磅，但就不太明顯，笑言自己不合格。由於有「牙托」，說話有時會黐筋，胡諾言說：「而家要戴多習慣，我一諗起湯盈盈李笑好角色，就會提自己做好。」
文：專題小組
係咪睇見我個樣都飽晒呢！