所謂貴人招風雨，身處美國進行路演中行（3988）董事長肖鋼知道珍珠唔會正面吹襲香港，中行可照原定計劃公開招股，佢覺得絕對係「天時地利人和」，相信反應一定會非常熱烈，上市一定會成功。
英美分頭路演 中行國際配售進行得如火如荼，管理層都馬不停蹄，要全球四圍飛同機構投資者推介中行，所以昨天中行管理層只能夠透過視象會議越洋開記者會。一入到會場見到左右兩面大螢幕，左係行長李禮輝，右係董事長肖鋼同行長助理朱民。原來佢忙到連路演同要向左走向右走，李行長去倫敦，肖董事長則去美國洛杉磯。
保薦人瓜分23億 中行集資規模成七百幾億元，上市開支達到二十三億元！接近承銷團消息透露，三家保薦人中銀國際、高盛及瑞銀好有機會平均瓜分呢筆承銷收入，做一單好過人做一百單，真係和味。