林苑昨日身穿低胸背心及短裙出席時裝店「mi-tu」開張，當試新鞋時竟顧得上唔顧得下，最後連番失守，不慎露波罅及白色內褲，得悉走光後的林苑即表示不要刊登。
林苑、張美妮、康子妮及楊婉儀、李樂詩及黃瑩等昨日出席新店開張，近日忙於拍電影的她，被問到有否向緋聞男友側田追歌債？林苑一副樣哈哈大笑說：「仲未追，我知佢欠下好多歌債。（依家有冇見面？）點解要。（你成日都上佢屋企嘛！）邊個話成日呀，次係我第一次上去佢屋企，係一百年前事啦。（第一次就畀人影到？）當你行衰運時乜事都會發生。」
拍拖唔公開 林苑坦言不想再與側田混為一談，她說：「唔想再提，不過我都知永遠會提住佢。（係咪曾志偉唔畀你拍拖？）點解唔畀，佢又唔係我老竇，不過佢就叫我公事同私事要分清楚。」多次強調沒有拍拖的林苑，揚言日後拍拖都不會公開男友身份：「真係好大壓力，唔會公開囉。」
同場的楊婉儀表示前日帶囡囡到迪士尼慶祝一歲生日，她說：「母親節日，佢爸爸一早就抱佢入房，同我講母親節，因為未醒，所以麻麻感動。」
文：音樂小組
林苑講起緋聞男友側田時，開心得哈哈大笑。