經常廣邀好友到家中打機、傾偈玩樂，出名好客的謝霆鋒，早前不幸引賊入屋，發生閉門失竊事件，被人盜用支票，差點損失五十萬港元。已鎖定嫌疑人物的霆鋒，縱然被好友出賣，但本「兄弟」二字，決定給予對方一次機會，不作追究。
據知，霆鋒早前接獲銀行來電，查證是否開出一張五十萬港元現金支票，由於霆鋒清楚記得並無開過，深覺事有可疑，於是即時通知銀行停止過數。雖然霆鋒及時截票，並未招致金錢損失，不過卻懷疑是熟人所為。
慣簽定冇銀碼支票 原來霆鋒有一個習慣，喜歡將簽了名，但沒寫銀碼的支票放在家中頭，以便必要時助手可以填上銀碼作公事之用。由於霆鋒經常招呼朋友到家中作客，故不排除因好客而招致損失，予人順手牽羊之機會，發生今次閉門失竊事件。雖然霆鋒已鎖定嫌疑人物，但基於一場朋友，不想對方因一時貪念，而身陷囹圄，故決定不報警，亦不予追究。
唔想追究未有報警 記者就此事聯絡霆鋒經理人霍汶希求證，她承認確有此事：「霆鋒話件事已經過去，唔係咁大件事，唔想再提，冇報警亦唔想追究。」
此外，霆鋒母親狄波拉將出席星期六泰國四面佛重新開光暨上座儀式，屆時篤信四面佛的拉姑將會接受有線娛樂台節目《怪談》電話訪問，細談感受。
文：娛樂小組