譚詠麟、廖碧兒、郭羨妮、楊恭如前晚出席《美女廚房》錄影，身為評判的阿倫非常搞鬼，以維園阿伯大肚look示人，乘機宣傳電影，更帶同彭健新愛犬OK仔亮相。阿倫笑說：「佢就係終極裁判，如果邊個煮狗都唔食就可以行埋一邊。」
譚詠麟前晚以大肚凸臍look造型示人，出場時笑說：「我似唔似食神呀？我係『阿七』呀！」阿倫被指為新片宣傳，他即說：「梗係啦，唔係上做乜呀！我今日就以肥大佬身份試菜，遲試去街市買同上茶樓。」問他做評判會否先看美女才試菜？他笑說：「秀色可餐就當然啦，睇秀色可唔可以加到分先，不過都要問我終極裁判OK仔。」
前晚廖碧兒、郭羨妮與楊恭如三位美女大顯身手，示範拋薄餅，郭羨妮聽聞評判阿倫要先看美色再試菜式，即打趣說要取鉸剪把衫領剪低，穿短裙的她更揚言要低扮執。她自詡廚藝不差，被問到有否潛質做煮飯婆？她說：「有，但係唔會做，不過整食都係減壓途徑。」
楊恭如格格不入 至於廖碧兒的公公是整餅師傅，故她也會整曲奇、蛋糕，那麼陳豪可有享用過？她說：「都試過，好多工作人員都食過，評價唔記得。」
此外，首次入無被指格格不入的楊恭如，被問到曾否下廚炮製美食給男友？她笑言：「冇喎！好少玩煮飯仔，都冇試過煮畀男仔食！」
文：專題小組
阿倫帶彭健新的小狗擔任評判，乘機為電影宣傳。