黎淑賢與盧惠光結婚七年後因感情有變分居，但前日適逢母親節，兩人暫時放下大人之感情瓜葛，一家四口慶祝母親節，還找來兩子的契爺楊紹鴻同行！
記者前晚拍到已承認婚變的黎淑賢，跟兩個仔仔及盧惠光，到紅磡一間泰國食店食晚飯慶祝母親節，同行的還有兩子之契爺楊紹鴻，而剛巧黎耀祥同老婆及仔仔亦到同一食肆晚膳。
內心掙扎 事後問黎淑賢會否感到尷尬時，她在電話表示：「其實自己內心都有掙扎，但大仔之前send短訊話畀驚喜我，我又唔想畀個仔知道大人咁複雜感情，而且之前又應承個仔一有時間就會照顧佢，所以都要講得出做得到。」問到仔仔送了甚麼禮物？黎淑賢謂：「仔仔好生性好乖，我之前都有解釋畀佢知點解爸爸媽媽分開住，佢仲送支花畀我。」
至於盧惠光對於分居一事被報道出來就甚為抗拒，他說：「我唔想畀細路仔同埋自己屋企事見報！（係咪分居後更加珍惜陪家人時間？）都唔係，平時唔使開工都有同佢食飯，依家我拍緊部韓國電影，晚咁唔使開工咪一家人食飯！（你有冇送禮物畀黎淑賢做母親節禮物？）冇，唔興呢，其他我唔想多講，總之大人有大人事，細路仔開心就得！」
文：專題小組 攝：追蹤小組
未知是否為了緩和尷尬氣氛，兩子之契爺楊紹鴻亦有同行。