羅仲謙憑陽光少年形象，為芝柏婚紗擔任新一代代言人。羅仲謙表示對此感到興奮，加上酬勞相當滿意，希望可以長期合作下去。
拍攝硬照當天，羅仲謙夥拍另一位代言人Sevara影婚紗照，首次當「新郎哥」的羅仲謙，埋位時一改以往怕醜仔的性格，與Sevara不時臉貼臉和互相纏綿，猶如一對真正夫婦！羅仲謙說：「因為攝影師安排我同Sevara作事前溝通，所以拍攝時表現得好自然，因為拍攝時好多地方取景，尤其係堂景入面時個結婚感覺好真實，拍完之後覺得自己真係結婚咁樣！」
羅仲謙與Sevara合作愉快，猶如一對真實的夫妻。