俗語有云：「一鳥在手，勝過兩鳥在林。」雖然好難捉得晒叢林面八百隻雀仔，但相信煲呔曾蔭權希望愈早有拿就愈好，而鄉議局有怒火八十幾隻雀仔就係目標！煲呔呢輪想盡辦法勁鄉議局，誓要撲熄鄉民不滿怒火，好似早前承諾加快丁屋審批，今年端午節又會去捧主席劉皇發個場，為屯門龍舟競渡主禮，稍後仲會到副主席張學明元朗選區巡視添。
鄉議局八十幾張選委票發揮威力都好大，其實發叔都話按現時煲呔表現係值得支持連任，只要履行之前所作承諾，保持住雙方良好關係，煲呔要呢八十幾票睇怕都係實食無黐牙！所以發叔上個禮拜見煲呔時，順便邀請煲呔出席今年屯門龍舟競渡，點知佢諗都唔使諗一口答應，事關睇賽龍舟，食五月，仲有得剪綵出風頭，何樂而不為呢？
肥平識做張學明滿意 唔單止咁，煲呔仲應承張學明搵日去元朗走一趟，睇地區發展同工作，一場到，張學明打算請煲呔食著名客家炆豬肉，至於邊一日去就唔知，可能趁出席周五元朗濕地公園第二期開幕之後去都未定。
煲呔咁識做，難怪發叔話佢愈來愈似一個政治家，相信佢競逐連任時在職業一欄填報「政治家」，都無人再有異議。
除煲呔班鄉紳外，民政事務局局長何志平都唔敢怠慢，親自主持新成立鄉政事務聯絡委員會，尋日首次會議仲率領新界九區民政事務專員出席添！張學明好滿意話，丁屋差餉同僭建問題會安排在日後會議上跟進，而下次會議仲會討論罔顧土地業權人利益新自然保育政策，希望繼續有新突破性發展。