跟有線尚有一年合約的「肥媽」瑪利亞，前日被本報拍到她秘密出現無，懷疑偷步返工，有食兩家茶禮之嫌。有線節目部執行董事徐小明揚言就此事已向肥媽發出兩封律師信，要求肥媽有合理解釋，若發現有違約，行動會升級。
肥媽日前才表示尊重有線合約，推掉無總經理陳志雲之邀，出任製作資源部高級經理一職，但前日卻一早現身無疑偷步返工。有線節目部執行董事徐小明表示：「今朝聽同事匯報過，對於證據確鑿都好驚訝，因為雙方係有合約，同埋第一次有呢個傳聞時，藝員部都叫肥媽解釋，而我亦表態過希望唔係真事，但肥媽接住咁高調同跟有線有業務上衝突機構經常見報，對有線製作同管理上已經造成滋擾同混亂，我已出警告信，話口未完肥媽又出現電視城，所以我中午已經發出兩封律師信，要求肥媽以書面解釋，我會嚴肅處理問題，希望肥媽亦正視今次問題。如果發現有違約，我行動會升級。」
至於肥媽為劉家昌音樂會任嘉賓，徐小明表示無只是此音樂會製作單位之一，若然肥媽事前向藝員部申請過就沒問題。
堅稱帶朋友見工 至於無總經理陳志雲昨出席活動時表示：「肥媽唔係返工，佢只係交代，其實肥媽睇份合約之後，發現唔單止係幕前，連簽約做幕後都會有牴觸，所以我暫時凍結合作，等佢合約完先算。（有冇覺得搞出大頭佛？）唔會，只係肥媽睇合約時候唔夠細心。」不過對於肥媽聲稱前日只是帶朋友入無見工，陳志雲竟然篤爆謊言：「佢冇同我提過喎。」
肥媽昨日就繼續死撐入無並非返工，而被陳志雲踢爆她沒提過帶朋友見工，她即解釋：「見工唔使見咁高層，總之我一早講唔係去無返工，我到一到就係返工，我依家到紅館唔通係館長喎。（你有冇向有線解釋？）唔使，真金不怕洪爐火，同無話唔做就唔做，唔通同朋友飲杯都唔得。」
文：專題小組
瑪利亞與徐小明一度合作愉快，如今卻為合約問題而關係惡化。