政情：狂抓朱育誠衫尾陳太見大曾碰壁 25/05/2006
煲呔曾同陳四萬在澳門密會，一時間牽動整個政界神經，咁陳四萬前排被人踢爆兩次透過中間人，想見國家副主席曾慶紅，兩件事之間到底有無關連，問位負責搭通天地線中間人就略知一二。究竟呢位中間人係何方神聖？政壇曾經傳過係港區人大代表朱幼麟，不過更新更堅更震撼版本係——國務院發展研究中心港澳研究所所長朱育誠是也。
明知輸梗照挑戰煲呔 朱育誠同陳四萬，好似大纜都扯唔埋，但係識得陳四萬人，就一都唔覺得出奇，陳四萬有幾次同高官舊同僚食飯時，就特別提到佢同朱育誠好熟，朱育誠成日有搵佢傾偈。當時無人質疑陳四萬，因為大家都知，朱所長在新華社香港分社做十年，由副秘書長做到副社長，九八年至調返北京，你話佢唔識當時仲做緊政務司司長陳四萬，就真係無人信。
朱育誠在○三年七一大遊行之後，奉命替中央港收料，陳四萬自然亦係佢收集「港情」渠道之一，眾所周知，朱所長係曾副主席中學同學，兩人關係密切，港澳研究所有乜「研究結果」，朱所長都會直接向曾副主席匯報，陳四萬一向最識觀時辨勢，梗係唔會浪費呢條直達天庭強勁天地線，佢想住朱所長衫尾見曾副主席，點知食閉門羹。
其實陳四萬做咁多小動作，都係為佢特首夢。官場竊竊私語，以陳四萬性格，如果民主派到選委會一百個提名，佢一定落場挑戰煲呔，雖然明知輸梗，不過自己亦無損失，仲可以大大聲同人講，自己係「贏民望，輸制度」，衝擊煲呔威信。