張文慈（Pinky）同葉璇的「惡鬥」已進入白熱化階段，早前Pinky輸了一仗，今次加「色」雙倍奉還，在這場「世界波」賽事中淨勝「兩球」，追成一比一平手。
前晚Pinky及葉璇同穿低胸衫到的士高宣傳電視劇《情陷夜中環》，兩位女主角全程互不瞅睬，席間陳啟泰笑自己唔執輸低胸衫露深坑，Pinky即說：「咁你咪係我對手？」似乎當葉璇冇到！
玩遊戲時，Pinky投入得拋胸伸，十分誘人。事後Pinky承認在胸部做了手腳：「我黐膠紙，但唔係要大，係要個形靚。（唔輸得？）贏就最好啦，（你同葉璇冇交流？）冇特別，順其自然啦。」相對Pinky，葉璇玩得較拘謹，問到被其他人冷落，她說：「點會呢？大家都好錫我，今次陳啟泰、Pinky同金燕玲好幫我，多謝佢都唔切啦。」
陳啟泰踩《火舞黃沙》 此外，陳啟泰對此劇有信心，因覺對手《火舞黃沙》不外如是：「好黃，搞到靚女都變黃面婆，女主角爭乜？爭舊泥？宮廷戲就話爭權爭利，好難信服，都唔好睇。」
同陳啟泰玩遊戲時，張文慈顯得十分投入。