譚詠麟稍後有新戲上映，所以昨講明要「廢話盡出」來博宣傳，果然下午替老友彭健新的寵物節目任評判時亂咁，公開取笑郭羨妮腳臭，但講到兒子曉風又閃閃縮縮，無辜郭羨妮慘被擺上。
阿倫昨日先與梁榮忠到電台接受訪問宣傳新片《我愛醫家人》，期間講明為了宣傳，將會廢話盡出，用肺講肺腑之言，他果然言出必行，及後到廣播城為彭健新的「健哥新寵」一周年特輯擔任評判，一開始就亂咁，並自稱「狗王倫」：「我睇狗識睇佢形態同心態，並唔係浪得虛名，健仔隻狗係唇膏代言人，呢……會自己走出呢。」大玩不文之餘兼連狗都唔放過。
在跟彭健新合照時，捉住小狗猛咁捽，突然又爆一句：「真係估唔到郭羨妮隻腳咁臭！」眾人爆笑之餘不明所以，阿倫接解釋：「健仔隻狗好鍾意聞臭，晚《美女廚房》郭羨妮住對露趾鞋，佢係咁聞人隻腳喎！」可憐郭羨妮年前被傳媒偷拍在大陸拍外景時躲在一角大解，阿倫再加一腳，美女形象蕩然無存。
養狗陪阿媽免添丁 阿倫亂咁就表現流利，但談到有關家人時，又有招架不來的時候，他表示怕失去老伴的媽媽會悶，曾考慮養隻狗為老人作伴，但媽媽怕分離會傷感而拒絕，記者便提議他不如多生一個讓媽媽湊孫打發時間，阿倫即口啞啞：「有心喇，（你係話自己有心有力？）係有心喇你地，多謝晒！」
採訪：專題小組
阿倫大講不文笑話，連狗隻也不放過。
郭羨妮慘被無端擺上。（資料圖片）