郭晉安（安仔）前晚拍攝劇集《東方之珠》一場打鬥戲時，不慎被對手羅貫峰誤插眼睛，即時滲出血水，要入院診治。
立即入院診治 劇情講述安仔要英雄救美勇救佘詩曼，遂展開連場激鬥，期間羅貫峰本要叉安仔條頸，但一時錯手誤插安仔的眼睛，安仔即時感到痛楚不堪，他憶述說：「當時第一下係好驚會盲，之後開眼仲見到就鏡照，點知見到有血水滲出，咪即刻入醫院。醫生話眼睛部分眼角膜破損，要打破傷風針，打陣痛到好似畀蟻咬咁。好彩醫生話眼角膜會好得快，我隔一晚已經好番七成。（有冇請病假？）醫生寫三日假畀我，但我見今日都OK，所以都會開工，劇組今朝都為我取消外景啦！」
羅貫峰感內疚 記者事後聯絡上羅貫峰，他說：「當時我隻手背唔小心擦過佢隻眼，都好內疚，即刻saysorry，但反而係佢安慰番我，仲猛話唔緊要，拍戲成日都會有呢情況。我真係好唔好意思，尋日跟住好多戲都拍唔到，搞到停晒廠！」
文：專題小組