財經人物:陳志雲做個出色打工仔


2018-09-06 00:00

跟蹤提及過的人和物:

上一則新聞: 焯焯有餘:港股就快反彈 - 關焯照

 

不少人對陳志雲的印象就是傳媒高層,經歷商台、無綫又再回到商台,但高層對上還有老闆,老闆在上,高層亦只是個「中層」。超過20年管理經驗,從俞琤的「屎堆尋鑽石」到TVB的「山頭文化」,他亦應付自如,多年經驗累積下來,就讓陳志雲來教你如何做好一份工!
攝影:卓振輝
撰文:張活儀 倪敏慧

在辦公室環境中,上司成本控制、下屬有山頭文化、四周充斥「老屎窟」、「老鼠屎」等等,陳志雲見盡人生百態,如何拆彈?
TVB以存在山頭文化聞名,於TVB工作多年的藝人汪明荃更曾於50周年台慶上狠批,陳志雲加入TVB時公司改由行政人員主導,並非「紅褲仔」出身的陳,面對公司內不同山頭亦受過不少苦頭。
當年陳志雲加入TVB主要處理續牌,要接受傳媒訪問,經常被質疑「你入咗嚟幾耐呀,代表TVB,講你就天下無敵,做你就無能為力!」當時他的內心亦武裝起來,「我可能係唔識做,但你製作咗個節目好唔好睇我識睇,等如我可以唔識掃地,你掃得乾唔乾淨,我都會知。」他惟有用這個心態面對。

員工勿說「唔係我部門負責」



在處理上,他自有一套方法,就是以工作賺取別人認同,「同事與同事之間,或者山頭與山頭之間,如果你幫到手嘅話,佢唔會排拒你嘅」,他說「嗰間機構 (TVB) 裏面,就算到今日都仲有好多好有心嘅人想做好啲嘢」。當人感受到你的處事態度,山頭是可以攀越的。
「老屎窟」亦是延申出來的管治問題,「有啲人唔係佢唔勤力,但唔係努力緊佢應該努力嘅嘢」,他指出,有些同事職級未必與他應該做的事對等,作為管理層需要將他重新抽出來,安排他做應做的事。「如果佢真係做唔到,你就要坦白同佢講,無論佢做咗幾耐」,但作為管理層,亦需要自我檢討「點解你升佢而佢做唔到?咁即係話你判斷有問題」,所以怪責他人之前,先要怪責自己。
「老屎窟」形成,在陳志雲眼裏是人性表現,當知道自己到了極限時不希望被人爬頭,或者自己地位被威脅,「但係呢啲人上面,都仲有個老闆,如果老闆容許佢擋住下面嘅人,即係老闆都唔夠叻囉」。
除了「老屎窟」之外,大機構很多時候亦會有「老鼠屎」,陳志雲認為對付這種人要手起刀落,「你要搵啲屎出嚟,如果perform (表現) 唔到,即係阻住地球轉嗰啲,就唔好要」。
有兩類同事最令陳志雲反感,其中一種是以種種理由說不行的同事,「我有一樣嘢搵你幫手做,你畀10個理由我話唔做得,我就好憎」。他說:「個機構請你返嚟係幫手做嘢,你知點解做唔到,咪去解決佢囉,你解決唔到咪出聲大家一齊諗點解決囉。」第二種就是說「呢樣唔係我部門負責」的同事,他說:「你????家好大咩?好多個部門咩?你咪同負責部門溝通囉。」
處理「老鼠屎」有時甚至須重組公司架構,管理層都會要作出炒人決定,如何交代亦是難題之一,陳志雲認為,這惟有直接說出,「人對人真心去交流去講,佢會明白嘅,即係唔好對人有任何侮辱成份。」

老闆不應隨便放工後聯絡下屬



對於公司管理層,陳志雲亦有一個強烈建議,「所有管理層,所有公司嘅高層,認真考慮一下訂落一啲守則,乜情況下喺放工之後先用通訊軟件同員工聯絡,同埋要求人哋即時答覆」。他又說:「有時有啲嘢係咪樣樣都要咁急?」如果是一個生死攸關的問題,無人會怪你,你就打過去吧。

贊助商:

討論:
分享: