孖米雪演舞台劇李司棋預告隨時失禁


2018-03-14 07:00

跟蹤提及過的人和物:

上一則新聞: 馬浚偉病愈打波瘦到面凹

 

藝人李司棋及米雪昨日到電台宣傳4月上演的舞台劇,李司棋表示角色患有腦退化症,坦言挑戰大:「好似喪失心智咁,有抑鬱、狂躁,情緒波動大。」她表示有探訪真實病人揣摩角色:「之前去青山做慈善嘢,見到嚴重嗰啲會導致精神分裂,佢哋被綁住手坐喺度,同埋會大小便失禁。」問到其角色不會嚴重至此?她說:「唔知使唔使台上大小便,但我哋冇中場休息,冇機會去廁所好急,可以隨時失禁,色香味俱全。」

問到舞台劇可會難演過電視劇?李司棋認同:「因為我喺台上要好癲癲得得,電視劇可以逐場拍,但舞台劇就要一氣過。」她又笑言不可以引拍檔笑,米雪笑說:「見到你個癡呆樣就已經想笑。」

贊助商:

討論:
分享: