古巨基絕密MV外洩捉內鬼


2018-03-14 07:00

跟蹤提及過的人和物:

上一則新聞:

 

歌手古巨基與男神黃子華私交甚篤,最近秘密找對方在新歌《子華說》大玩Featuring,正密鑼緊鼓準備送驚喜給樂迷。未料昨日兩人的心血竟在網上流出,英皇對新歌MV「外洩」大為震驚,正內部徹查事件。

黃子華上月幫古巨基拍片宣布開紅館騷,還透露其新歌與他有關,原來兩人的神秘搞作是大玩Featuring,新歌更名為《子華說》,出動「子華神」獻聲。唱片公司原安排這首秘密「神曲」於3月16日首播,但昨日有人發現網上有一段長約1分鐘的《子華說》MV預告片流出!由於事態嚴重,英皇方面大為緊張,基仔亦大惑不解,他說:「因為之前知道MV預告片係15號先出街,所以知道網上已經有得睇嗰陣,第一個反應係好奇怪,仲問番公司係咪提前咗發布,先知其實係外洩咗!」

力保完整版本



從外洩片段畫面所見,子華除獻聲之外,還加插他多年來「棟篤笑」的精警場面,基仔邊唱子華邊Talk,猶如人神合唱,果然夠新意。問到會否考慮報警處理?基仔承認公司同事亦有提議過,但他不想事件鬧大,現時先交由公司內部徹查,再慎重處理。今次片段外洩令兩人的驚喜合作慘被踢爆,基仔說:「呢段分幾鐘係一個預告片,好彩未係完整MV版本,因MV仲做緊後期。呢次係我同子華第一次Featuring,係想做到最好先畀歌迷睇。」

「拍膊頭」請男神



難得與子華合作,基仔對《子華說》的MV自然分外上心,更親自當MV監製:「首歌嘅MV後期製作着重嘅嘢比較多,所以親自負責番會好啲。(拍膊頭叫子華合作?)係啊!冇錢(口架)!(點還呢個人情?)真係好多謝佢囉!」不過,基仔稱是去年底邀請子華合作,當時仍未知會在紅館開騷,只是想做一首關於香港故事概念的歌曲,便想到非子華莫屬,因他的「棟篤笑」代表着很多港人心聲,最令他開心的是子華聽到這構思便一口答應。

文:音樂組

贊助商:

討論:
分享: