隔牆有耳:立會3盛女 情人節fully booked


2018-02-14 00:00

跟蹤提及過的人和物:

上一則新聞: 有中國特色的天主教(李柱銘)

 

情人節殺到,立法會一班黃金盛女,佳節眾人一對對之時,唔知會唔會斯人獨憔悴?似乎又唔會!
八方問過公民黨陳淑莊 (Tanya) ,佢噚日中午已喺機場Check-in排隊等上機,呢次係一個人飛去日本旅遊,抵埗後有人會帶佢食好嘢。有新戀情乎?Tanya即時話自己忙過隻狗,阿媽喺電視見佢多過見佢真人,仲邊有時間談戀愛呢

恩恩同三個女人過



講過有生之年都享受唔到產假嘅麥美娟 (Alice) 就話情人節忙到癲,上午返立法會開會,中午約咗個少數族裔家庭食飯,夜晚就同工聯會手足食團年飯,自言:「大家唔使擔心,我係唔欠缺愛同關心,我係好多人錫。」似乎都留意到2.14嘅佢份外受注目。
至於盛傳同袁彌昌撻着嘅容海恩,佢聲稱情人節同三個女人過,強調全日fully booked。上午先到新界東送花畀街坊,下午就夥拍葉劉淑儀同陳家珮喺囍帖街派花,夜晚就同沙田區議員陳文娟打邊爐,所以冇人可以約到佢!但佢冇講到消夜時段有乜着落;夜闌人靜時,無可能寂寞?

贊助商:

討論:
分享: