蔡一鳳睇極光一擊即中夠運氣


2018-01-13 07:00

跟蹤提及過的人和物:

上一則新聞: 沈慧林感激顧紀筠提攜

 

人生必到的50個地方,你實現了幾多個?前亞視高層盛品儒太太蔡一鳳去年實現了其中一個──在芬蘭看極光度聖誕節,6日行程,第1天便看到極光,她說看極光必須靠手機App搜尋極光出現的時間和位置,但追極光亦有機會撲空,故最重要還是運氣,能夠看到極光,令她相信今年將會是好運年!

近年不少名人明星都成為追極光一族,看極光成為旅遊熱潮,12月的芬蘭,可以跟聖誕老人見面,同時可以看極光,可謂一舉兩得!蔡一鳳稱人生必到的50個地方,由於她較喜歡熱帶地方,已踏足過多個「熱」點,包括夏威夷、澳洲黃金海岸、塞班島等,已實現了9個,芬蘭是她的第10個想去的地方,她說:「一路好想去,同朋友約咗幾年,因為睇極光有時間規限,以前打工嗰時,人哋放假,我就最忙,依家自己做生意,因為結咗婚要陪老公,始終冇機會去。咁啱要去巴黎傾生意,同三個朋友一齊,決定撇低老公,老公都好無奈,我知佢都好想去。」

-18°c凍到麻痺



一向怕冷的她,將自己由頭包到腳,每日全身貼4至5個暖包,但仍難抵戶外攝氏-18度低溫,尤其追看極光必須到戶外,曾經冷到面部麻痹,她說:「不過睇到極光嗰刻,真係好開心,有青色、黃色同紅色,我哋搵咗專業相機影低,影完覺得完成咗一樣好重要嘅事,成個人放鬆晒。因為我知好多人用手機App追極光,不過有時追到去,都未必睇到,好靠Lucky,所以我覺得芬蘭係一個好值得去嘅地方,去撞下運氣,睇到極光就有運氣。我有個朋友喺另一個城市,隨手用手機就影到極光,佢都好Lucky。」

坐雪地電單車搵刺激



蔡一鳳在當地坐狗車和鹿車,她更發覺坐雪地電單車在森林飛馳最好玩,雪地電單車駕車者必須有電單車牌,故她只能做乘客,她稱穿梭白雪皚皚的森林時,不時發現一些小動物在樹叢跑跳,但又看不清楚,非常刺激!

搵聖誕老人「送禮物」



與聖誕老人見面是去芬蘭的指定動作,蔡一鳳說:「我買定份聖誕禮物叫聖誕老人送畀自己,收禮物時好開心o架!其實係一對芬蘭厚襪,我朋友見到我咁做都跟住照做。」她講笑說:「原來老公唔喺身邊係咁好玩,老公要小心啲喇!不過講完,我真係驚佢下次唔畀我自己去旅行喇!」

擦四川菜好味!



蔡一鳳稱ChristmasEve在芬蘭找到一間由四川人經營的中餐廳名叫「祥龍」,吃了一頓不錯的中菜,而且當地旅行社亦有澳門人職員,難得聽到廣東話,感覺很有親切感。

文:名人組

贊助商:

討論:
分享: