港超聯:東方龍獅對標準流浪 東網5時半直播


2018-01-13 16:00

跟蹤提及過的人和物:


上一則新聞: 捷克巴士撞私家車 至少3死45傷

 




「中銀人壽香港超級聯賽」今日 (13日) 下午假旺角大球場上演「獨腳戲」,由東方龍獅主場火併標準流浪。將於月尾出戰亞冠盃外圍賽的東方龍獅,在冬季轉會窗重開後積極增兵,除了從標準流浪回收借將基頓外,亦簽下應屆日職冠軍川崎前鋒的後衞井川祐輔,想睇戰力飆升後嘅東方龍獅有幾勁?黐實東網直播啦!東網下午5時30分直播。




將於1月迎來連場硬仗的東方龍獅,在約兩周的休戰期前往泰國進行為期5天的集訓,並先後跟泰甲球隊羅勇FC及泰超球隊芭堤雅聯踢友賽,均與對手賽和,新加盟的井川祐輔及久休復出的李康廉均在賽事中後備上陣。主教練司徒文俊表示,在天氣較炎熱的泰國集訓,有助球員提升狀態,對試陣亦有一定效果。外援方面,球隊早前已跟南韓中堅曹泰根解約,並且簽下日援井川祐輔,巴西前鋒般盧要待至東方龍獅取消一位外援的註冊後,才可完成轉會手續。




雖然井川祐輔與李康廉的比賽狀態,未必可以踢足90分鐘,但「司徒Sir」大讚前者領悟力強︰「雖然井川祐輔仍然需要多啲時間提升狀態,但係佢經驗豐富,喺友賽期間對我哋打法嘅認知都吸收得好快,喺融入同適應球隊嘅能力都好強。」




目前於聯賽僅得4分敬陪末席的標準流浪,在借將中堅基頓被東方龍獅收回後,隨即找來舊將莫斯奧回巢。同時,球隊在港腳徐宏傑轉投中甲梅州客家後,傾向給予年輕小將鍾昇霖更多上陣機會。




標準流浪行政總裁李輝立表示,雖然球隊於聯賽正在護級,但他認為個人前途比較重要,不介意放走隊中最佳球員︰「其實有啲球員都令我失望,但我哋要向前看,盡量扶啲年輕小將上嚟。成績好與壞唔需要太計較,唔應該為咗護級將球員嘅前途扼殺,可能好多球會都唔會放人,但既然佢有人賞識,點解唔畀個機會佢?」至於署理教練卓卓則坦言,現時球隊在聯賽處於劣勢,因此每一仗均十分重要,會傾盡全力爭勝。




由今場對標準流浪開始,「藍軍」東方龍獅會穿起全新球衣出戰,球迷朋友可以在開賽前,於旺角場外的球迷會攤位預訂。東方龍獅新球衣分聯賽版及亞冠版,訂購價會員500港元、非會員600港元 (已包印字及熨章) 。想知得更清楚,記得去東方龍獅足球隊的Facebook專頁睇睇啦!

(更多即時新聞詳情請上)

贊助商:

討論:
分享: