中環出更:博物館融入生活 天價藝術玩平民化


2018-01-13 07:00

跟蹤提及過的人和物:


上一則新聞: 法庭:吳文遠涉披露廉署受查人身份 案件如期3‧2再開審

 

近年文化創意產業抬頭,唔少年輕人自創人氣卡通角色就闖出一片天。早前香港國際授權展喺灣仔香港會議展覽中心舉行,好多五花八門嘅可愛動漫公仔參展,來自台灣嘅國立歷史博物館亦都將天價藝術品拎出嚟授權,喺一眾嬉皮笑臉嘅卡通公仔之中零舍突出。博物館文創行銷組組長張錦莉話,博物館唔係個個都鍾意行,幾年前佢哋開始透過授權將藝術品製成平民化商品,主動走入市民嘅生活,結果大受歡迎添。

張錦莉話,呢兩年佢哋重點推出已故近代畫家常玉嘅作品,製成杯、碟、桌布或者包裝茶葉等,結果熱賣。早前甚至同設計師合作,將名畫變成衣服嘅圖案,喺紐約時裝騷推出時備受國際好評。張錦莉笑稱,連收藏大批國寶嘅台灣故宮都想行呢條路添。

彭愛萍以囝囝為主角創商機



台灣角色品牌授權協會理事彭愛萍係今次台灣參展團團長,佢話五年前台灣只得幾間參展,今年已有六十間,可見授權服務業嘅發展極快。佢都以自己兩個囝囝為主角創造咗一盤生意,仲授權畀內地商家生產小朋友周邊產品,現時喺內地有一千兩百家門市。

同場仲有一位剪咗冬菇頭、小學生扮相嘅設計工作室創辦人溫彬彬,佢以自己模樣打造卡通人物,角色定性係「幼稚而搞笑」,聽落都好搞笑。

香港貿易發展局旗下嘅「設計、市場及授權服務業諮詢委員會」成員徐珊雯及兒子林筱軒(Keith)都喺度,徐珊雯做咗授權業幾十年,指自創品牌不如攞知名品牌授權。

Keith都取得日本知名積木品牌嘅全球授權,製造鐘錶及眼鏡等產品,已做咗三年。佢話現時嘅產品已經攻入美國、日本、新加坡、內地及台灣,希望今年可打開歐洲、澳洲等市場。

卓妮

贊助商:

討論:
分享: