陳志雲爆無綫高層角力吵大鑊


2017-12-23 07:00

跟蹤提及過的人和物:

上一則新聞: 有仔萬事足周家蔚嘟嘴索吻

 

效力無綫十八年的陳志雲大爆秘聞,指高層在台慶頒獎禮為獎項花落誰家爭崩頭,出現內部角力情況。他又透露當年受方逸華指使,到餐廳物色小生卻被趕走。

前無綫高層陳志雲最近分別為亞視和網台主持《百萬富翁2018》及新節目《大開眼界》,過足主持癮。當年在無綫位高權重的他,亦是台慶頒獎禮之父,皆因當初由他提出舉辦,當中所牽涉的鬥爭和秘聞,非常受大眾關注。

絕冇簽約換獎



志雲稱:「我記得係我提出做頒獎禮,當時做緊節目部總監,最後落實製作部去做。」台慶頒獎禮出現,令編排劇集檔期及獎項成為「必爭之地」,他笑說:「節目部就做咗磨心,大家角力。記得最犀利係排《天與地》喺十二月,因為唔係台慶劇,製作部唔係咁高興!製作最大吸引力就係冇一定得嘅方程式,好似《金枝慾孽》估唔到得成咁。」

劇集爭檔期爭崩頭,視帝及視后情況更激烈!志雲坦言主政的年代沒有傳聞中簽約換獎:「當時制度係觀眾投票佔一定比數,內部評審係佔好重要嘅元素,係會影響結果,當時內部係好公開、透明咁討論,內部自己角力係會爭崩頭o架!會講到反面、面紅耳赤,呢啲真係有嘅,講唔掂咪搵高層去定奪。」他又指當時沒有藝員向他埋堆爭獎,但相信會有人向監製爭取。

談到今年視帝以王浩信及馬國明呼聲最高,志雲表示:「冇睇好邊個,兩套劇都冇睇,王浩信唔係好認識,我認識馬國明,當然希望佢攞,但唔代表王浩信唔好。馬國明係非常好嘅人,好謙虛、冇野心,係一個天真爛漫嘅鄰家男孩。」

餐廳「溝仔」被趕



另外,陳志雲自爆當年為了物色小生,要到餐廳「溝仔」:「以前搵小生好難,方姐(方逸華)叫我哋出去見多啲人推介畀公司,而方姐亦有講起一間餐廳,話個服務員好型,問我可唔可以吸引到佢入行,結果我咪畀間餐廳趕咗出去,話『我哋唔歡迎你嚟,你做乜撬我啲人』,令我好耐都唔敢再去。」

文:影視組

攝:吳文聰

場地:皇子酒店

髮型:[email protected]

贊助商:

討論:
分享: