政情:梁栢賢學生相 見證「40年不變」


2017-10-15 07:00

跟蹤提及過的人和物:

上一則新聞: 政情:郭卓堅宣布移民 拒交代眾籌善款

 

醫院管理局行政總裁梁栢賢(PY)經常喺Facebook上載照片,博取大家一笑。繼早前上載身穿太空衣嘅相片後,PY尋日又出新招,上載自己嘅陳年學生相。由於佢個樣變化唔大,就有網友形容佢「四十年不變」喇!

慶祝中學畢業40周年



PY話尋日係中學畢業四十周年,一班同學正籌備慶祝活動,借機敍舊同重拾年少無知嘅情懷,睇嚟佢都係出於呢個原因而大話當年喇。由相片可見,PY坐得非常端正,但褲腳就好似過短,仲有眼利網友指出佢當時髮腳過長添!

另外,PY喺相中坐喺第一排老師嘅隔籬,有網友就估計佢當年有料到,仲係乖學生,因為只有班長先有機會坐呢個位。不過,網友最關心嘅都係佢嘅樣貌變化,有網友就讚佢外表「四十年不變」,所以一眼就認得出,更有人盛讚依家嘅PY仲後生,真係非常誇張。唔知大家有冇同感呢?

贊助商:

討論:
分享: