Eason開騷爆家事 投訴老婆唔睬人


2017-10-13 07:00

跟蹤提及過的人和物:

上一則新聞: 姚子羚做業主 搵錢供樓唔恨嫁

 

歌神陳奕迅(Eason)為新國語專輯《C'monin~》展開全球共19場的《EasonsaysC'monin~Tour》,其中香港站兩場前晚在旺角麥花臣場館開鑼。Eason先向老婆徐濠縈獻歌讚她好榜樣,但轉頭又爆老婆「唔多睬人」。對於門票被排隊黨瘋炒,Eason反向傳媒求助:「我可以點做呀?」

久未在港開騷的Eason,兩晚音樂會門票極速售清,前晚頭場獲圈中好友梁漢文、郭偉亮、趙學而等攜眷捧場,太太徐濠縈亦坐台前支持。音樂會以新碟國語歌為主,但Eason好照顧香港歌迷,中段加插多首廣東歌,又特別唱了《人生馬拉松》給台下的老婆並說:「以下呢首歌都係好好嘅,我太太就係一個好好榜樣。」

邀歌迷入屋



剪短了頭髮的Eason自嘲似錢嘉樂,又瞪大眼學對方,引得台下觀眾大笑。他不忘叫觀眾站起來,教觀眾舉高手跟住跳,最抵死是故意擺出反眼及歪嘴樣讓傳媒任拍。Encore時,有歌迷說好想多見他,Eason就擺老婆上枱:「想咪嚟我屋企囉!不過要問我老婆先,但佢唔睬人o架!死啦,加重咗佢形象添,其實佢連我都唔係咁睬,講笑啫,咪咁認真。」

對於門票被炒至7,000蚊一張,場外更有人兜售黃牛飛,Eason說:「吓!點解佢哋買到咁多?排隊o架?我唔係唔同情買貴飛嘅人,但點樣杜絕,我可以點做呀?(開多幾場?)我上次開25場都係炒喎,咁證明我有價值。」又澄清最快要2019或2020年才在港再開演唱會。

恃熟賣熟扮黎明



提到那英發聲明不再任《中國新歌聲》導師一事?Eason愕然地表示不知情,估計對方做了6年節目,可能有點累之故。對於有傳比賽有黑幕,他說:「咁叫我撳掣算唔算黑幕?撳唔撳決定權都喺自己手上,奈我哋唔何。」

講到在ViuTV節目模仿黎明(Leon)唱歌,被斥欠尊重?Eason澄清:「真係冇咁意思,實不相瞞,我呢一年同Leon有聯絡嘅,有啲私交,先夠膽模仿佢搞氣氛,如果唔熟嘅人,我係唔敢咁做。」

文:音樂組

贊助商:

討論:
分享: