面懵轉行解財困 麥貝夷打不死北上翻身


2017-10-13 07:00

跟蹤提及過的人和物:

上一則新聞: 黃心穎拖韓星觸電

 

入行七年的歌手麥貝夷早前以素人身份參加內地歌唱比賽,結果在內地人氣急升,她坦言收入大增,算是對媽媽有個交代。她回想經濟最拮据時曾轉行做文員,亦試過問朋友借錢找卡數。

麥貝夷(Karene)於2011年與鍾一憲組成情侶檔,憑合唱歌《勾手指尾》成名,可惜2013年與前唱片公司結束合約後,一度陷入迷惘期,早前她以素人身份參加內地歌唱節目,才再度引起注意。她自言不是圓滑的人,曾思量自己是否適合做藝人:「完約後試過做傳媒公司同廣告公司,之後做工程公司文員,好尷尬,啱啱仲係《勾手指尾》時期,同事會問『點解你喺度做?』又冇得講做藝人好窮。當時做咗三個月頂唔順,因為我排解唔到佢哋嘅疑問,又有個同事問我識唔識一個牌子,我話唔識。藝人光環冇咗後,唔知點解我變成一個問題,之後就諗不如做番藝人。」不過這段時期的經歷卻令她學懂如何處理壓力。

向朋友借錢



其實Karene一直自我增值,花錢學唱歌學演戲,家人卻試過叫她放棄:「佢哋好擔憂,叫我唔好做,心痛我,但我聽咗就覺得係打擊嘅說話。身邊朋友亦唔明,我用好多時間睇書,啲人問我忙咩,覺得我白忙,學費又自己畀,點解付出金錢同時間但冇收穫。不過我覺得只要我堅持,就會有回報!最差時試過問朋友借幾萬蚊,朋友願意借,真係好拮据。」她坦言完約後欠下卡數:「收支平衡唔到,唔可以供任何嘢,如果有一個月大使咗就會累積落去。」

目標做業主養家



Karene堅持下去,如今終於在內地知名度大增,她期望日後有機會接拍內地劇,又坦言因節目效應令工作量大增:「Online工作多咗,每次開直播都好多人睇,呢個係起步,收入幾好,媽媽滿意,不過賺錢係無窮無盡,希望更加好,依家未買到樓,希望之後可以買到一個舒服Size嘅單位畀屋企人。」

文:專案組

攝:劉斌

場地:老鍋台式火鍋

贊助商:

討論:
分享: