陳漢娜玩SheShe獻初吻 陳國邦轉會繼續要捱


2017-10-13 07:00

跟蹤提及過的人和物:

上一則新聞: 黃紫盈收心形薑餅唔捨得食

 

演員陳國邦、徐肇平、胡子彤、劉錫賢、張松枝、陳漢娜等,昨日為ViuTV新劇《身後事務所》進行開鏡拜神儀式。陳國邦受訪時表示,拍ViuTV劇集感覺與無綫分別不大,工作時間也不比無綫舒服,他笑言:「開工都係要開足十幾個鐘,朝早0600開到2000,但就唔使外景接廠景,廠景再接外景。」

TVB搵會再合作



不過,陳國邦坦言酬勞對比在無綫工作時好一點,但沒有多一倍,更不會像拍內地劇般有幾倍加幅,問他可擔心拍完ViuTV劇後不能回無綫?他說:「都唔係呢個時候先要嚟擔心,要考慮都應該係離開嗰陣,無綫向來對我唔錯,當年寫信話要離開冇耐,無綫已經搵番我拍《八時入席》,張衞健外闖後都再返無綫拍劇,TVB冇畀過呢方面嘅壓力我,將來搵我都會返去拍。」

至於陳漢娜劇中飾演同志角色,她笑言讀書時因為常與女仔玩,媽咪有問她是否喜歡女仔,她說:「梗係唔係啦!依家身邊都有唔少同性戀嘅男女朋友,但唔會討厭或反感!」現實中陳漢娜沒有被女仔追求過,今次在劇中與女仔卻有咀戲,從未拍過咀戲的她直認不論錫男錫女都尷尬,因為是她的螢幕初吻!

文:影視組

贊助商:

討論:
分享: