迪子煲冬蔭功湯最緊要重料!


2017-10-13 07:00

跟蹤提及過的人和物:


上一則新聞: 徐加晴打三份工搵錢留學

 

東網巨星節目《星級煮意》邀得歌手迪子擔任嘉賓,炮製開胃醒神的「冬蔭功湯」,迪子話煲湯秘訣就是「重手」,要夠足料夠濃味,才能煲出真味道!自言下廚經驗豐富的她,自爆年幼時曾被媽媽「嫌棄」,皆因冇手尾的她每逢煮飯都似足打仗,令媽媽大叫怕怕!

歌手迪子為「吉野家星級特約」《星級煮意》節目下廚炮製「冬蔭功湯」,更分享煲湯秘技,等大家輕輕鬆鬆都能夠做廚神!她說:「最緊要唔好慳,煲湯要夠濃,同埋要夠多番茄,因為煲湯其實係由番茄煮出嚟,同埋最緊要落金不換、檸檬葉呢啲香料,只要你落呢啲泰國香料就有嗰隻味道喺度。」

小學已特訓做「廚娘」



迪子下廚經驗豐富,皆因小學五年級已開始做「廚娘」接受媽媽的「特訓」,她說:「因為媽咪要出去做嘢,夜晚八點先返到嚟,返嚟只可以炒個菜,所以小學五年班佢已經教我哋煮飯煲湯。」講到入廚最深刻的「戰績」,迪子自爆曾遭媽媽「嫌棄」:「其實細個嗰陣,媽媽好驚我入廚煮嘢食,每次上完家政堂,我喺屋企實習煮飯,但煮完冇手尾,次次搞到個廚房七國咁亂,雖然佢哋係話好食,但執手尾就好驚囉。」

張本立教齋落青口肉



「新派廚神」張本立點評迪子的「冬蔭功湯」,指她若將青口去殼或改用蝦肉,會將危險性減低:「我會建議後尾啲青口淨係落啲肉,因為如果連埋啲殼,你要洗得好乾淨,如果唔係好容易藏到啲菌,或者用蝦肉就安全啲。」

《星級煮意》超過二十位藝人、紅人亮相,示範不同菜式,又有廚藝專家提供煮食要訣,娛樂與資訊並重,節目逢星期四更新,大家可透過東網App、東網網頁收看及重溫。

https://goo.gl/4Jkr2Y

文:專案組

贊助商:

討論:
分享: