怕光頭拒化療 陳勳奇抗癌成功:以為死梗


2017-10-13 07:00
上一則新聞: 吳嘉熙滾水淋淫魔

 

導演陳勳奇去年患癌,經一年多治療後進展良好,現正康復中,前日更復工拍攝新戲,他回望過去的抗癌路說:「醫生話呢個病一般得兩個月命,我以為自己死梗。我好驚化療甩晒頭髮,所以堅持唔做。」他最終憑堅毅意志及治療戰勝癌魔!

65歲演員兼導演陳勳奇,去年不幸患上「甲狀腺未分化癌」,經歷一段時間治療終抗癌成功,本月復工執導電影《美麗戰爭》,該片前日於江蘇正式開機,演員包括馬國明、譚耀文及孟廣美等。陳勳奇談到抗癌經歷時,他說:「我依家把聲似曾志偉,聲帶被癌細胞破壞。我以為自己死梗,醫生話呢個病一般只有兩個月命。」

朋友推薦科技治療



幸好陳勳奇憑意志及積極治療,最終創造奇迹:「我做咗幾十次放射治療,冇晒所有肌肉變皮包骨,得番半條人命。一般放射治療後要做化療,我唔想化療後甩晒頭髮,所以堅持唔做化療。後來朋友推薦科技治療,我最終捱得過。」康復後,他常以過來人身份向好友說:「記得曾志偉向我同成龍講『就算係馬雲都只係幫人保管財富,錢帶得走咩?有生之年應該使晒啲錢。』我覺得志偉講得好啱。」

澄清冇鬧栢芝



陳勳奇重新起步本是美事,但昨日有指他接受內地傳媒訪問時,批評張栢芝當年參演《楊門女將》時的工作態度,對此,他澄清說:「栢芝演出非常好,記得佢拍打戲被硬物打到塊面,腫到豬頭咁,仍堅持繼續拍,好捱得,我非常欣賞佢!」

對於早年鄭佩佩指拍《楊》片時經常等栢芝埋位,陳勳奇說:「栢芝當時身體唔太好,所以唔使拍就會除咗件盔甲入有暖氣嘅車保暖,佢埋位着番盔甲要啲時間,我理解到,唔明點解傳我覺得栢芝破壞香港演員敬業精神,冇咁嘅事。」

文:影視組

贊助商:

討論:
分享: