姚子羚做業主 搵錢供樓唔恨嫁


2017-10-13 07:00

跟蹤提及過的人和物:

上一則新聞: 3P吹水 唐詩詠街頭激凸

 

藝人姚子羚昨日與黎諾懿出席活動,記者一見子羚即講恭喜,因「胡說八道會」被爆快將有人結婚,她笑說:「仲以為恭喜我買咗樓!(買樓為結婚?)邊有女仔自己買嚟結婚o架!我一直都想置業,都儲咗好耐錢,屋企人都有份夾。」問到何時結婚?她笑言未有打算:「稍後要到橫店及新疆拍劇,明年工作都已經排好。(咁圍內邊個就快結婚?)唔係我,你哋可以問吓其他人,睇吓胡定欣呢排有冇艷遇。」

對於胡定欣難忍負評而發長文反擊網民,子羚說:「佢只係表達自己諗法,今次應該過咗定欣嘅底線,希望大家畀番私人空間我哋。」講到胡杏兒快將生B,子羚踢爆對方已改好名。而黎諾懿則指兒子早前生病,令他對追多個有所卻步,但仍希望生夠兩個。

贊助商:

討論:
分享: