【人生交叉點】月賺5萬,但一個月無得見家人,你OK嗎?


2017-10-13 11:15

跟蹤提及過的人和物:


上一則新聞: 【星期五 ‧ 扮工貓星人】

 

家庭有得揀,職場無得揀,所以我知道好多打工仔為份工死OTOT,搞到陪家人的時間愈來愈少。 

最近有打工仔話自己幾年來日捱夜捱,終於有得升做阿頭,月入有成五萬數,表面比好多香港人好,以為升咗職可以攞開對手唔使做,點知事與願違,因做了老闆直屬,變得勁多嘢做,連私人時間都要雙手奉獻出來,有時朝早幾個會、中午又幾個會,攰到死之際,放工仲要走去見客應酬。

為咗爭取睡眠時間,呢位打工仔有時仲選擇唔返屋企瞓,就算連放假都要做公司嘢,冇得陪老婆仔女享受家庭樂。數數手指,真係成個月冇見老婆仔女,老婆忍唔住開口問:「到底錢重要啲定家庭重要啲?」 

雖然呢份工月入五萬蚊,但就要一個月見唔到屋企人,換轉係你,又制唔制呢? 不過,有網友就認為係本身份工有問題,因為世間有好多工又高人工,又唔使點做,只係呢一刻你未遇到。 

來源:

===================

19網輕鬆爆料熱線,歡迎舉報老細同事19惡行,立即講畀我哋知啦

贊助商:

討論:
分享: