畀流浪狗入舖休息 髮型屋主:佢哋都想人愛


2017-10-07 18:44

跟蹤提及過的人和物:


上一則新聞: 「少年兵團」再聚首 何妤玟曝:孫協志當初愛的是我

 

「不如唔好讚我,將個愛分享出去,如果大家見到有流浪動物,都幫手關顧下囉!」上水一間小小的髮型屋,卻盛載着滿滿的愛,近日Facebook專頁「北區友」發貼,大讚該髮型屋東主暖心,當店舖沒有客人時,會讓五隻流浪犬在店舖休息歎冷氣,冬天又會有棉被給牠們取暖。

髮型屋東主表示這奇妙的關係已維持了六年,這一切源於一次救助經歷,「我有次見到佢哋大脾內側,畀人用鎅刀蓄意鎅開咗,咁我逐隻逐隻抱咗佢哋去獸醫診所睇醫生,自此之後,佢哋聞到陣味,就返嚟呢度搵我囉。」她緩緩笑道。

髮型屋東主續指,這五隻流浪犬入舖休息後,即非常自律,「佢哋見到有客入嚟,就會好平靜,慢慢行出門口,留返啲位畀我做嘢!」不過她亦表示,有客人很抗拒牠們,更因此不再光顧。

而每天放工收舖,對於店東來說,可說是種煎熬,「我落埋閘,佢哋就望住我,跟住我話拜拜、拜拜,佢哋就好唔捨得咁望住我,每日都係咁!」語畢,店東哽咽不已。

至於會否收養這五隻浪浪,她則解釋指因住公屋,未能收養,不過亦非常擔心牠們夜晚的安危,「佢哋經常蓄意畀人整傷,曾經畀人用有釘嘅木棍打落去!」,她呼籲大家如遇上牠們或是其他流浪犬,不妨多些關心牠們,讓愛可以繼續傳下去!

贊助商:

討論:
分享: