箍牙滿面粒粒屈男友Like 黃心穎笑馬國明童樣天然呆


2017-09-24 07:00
上一則新聞: 有圖有真相! 李曼筠親密貼紙相曝光

 

黃心穎昨日宣傳新劇,她直言戲中箍牙兼滿面粒粒的造型與兒時樣子相若,又老屈緋聞男友馬國明勁鍾意:「佢夠膽畀唔好嘅Comment?」還爆對方小時候已經是「天然呆」。

藝人黃智雯(Mandy)、黃智賢與黃心穎昨日到馬鞍山宣傳無綫劇《雜警奇兵》,Mandy玩遊戲時勁賣力,但慘被大隻佬鄭健樂箍頸,露出痛苦表情!訪問時,提到劇集只在周日播兩小時,會否擔心收視?心穎BB笑言「賺咗」:「連續喺9至12月都見到我,做到『哎吔台慶劇』!」提到戲中一度以箍牙兼滿面粒粒造型亮相,她指沒有問過緋聞男友馬國明是否喜歡該造型:「我話係可愛就可愛!其實個樣都接近我細個時個樣!」又自爆向馬國明騷過兒時照:「都係好嘅Comment,佢夠膽畀唔好?(睇過馬國明兒時照?)睇過幾張。(天然呆?)啲相佢唔係笑嘅,都係呆呆哋咁。」

黃智雯學嘢重要過嫁人



提到胡杏兒日前爆「胡說八道會」有成員好事近,疑指好友Mandy或姚子羚,黃智賢更表示準備定人情,但Mandy否認與男友拉埋天窗:「係杏兒比我哋更加心急,驚我嫁唔出!」問到是否事業心重,她即望望心口笑說:「咁當然啦!想喺演戲方面追求更多。(嚇怕男友唔敢求婚?)唔怕!我哋有共識,佢都知我想呢段時間學多啲。」黃智賢聞言笑說:「對方真係愛錫你,就會尊重你嘅事業心同『事業線』!」

另外,黃心穎前晚出席首映禮時重提森美不慎公開她拉低冷衫露膊的晒線圖,直言對方已在其專欄中道歉,感動得眼濕濕。問到會否叫對方向馬國明道歉,她即笑指緋聞男友不知道此事:「我同佢講番嗰陣,佢就話其實好小事。(佢好大方!)佢覺得係意外。」



文:影視組

贊助商:

討論:
分享: