不甘女兒被網民攻擊 吳若希起底還拖:使畀面你?


2017-09-24 07:00

跟蹤提及過的人和物:

上一則新聞: 箍牙滿面粒粒屈男友Like 黃心穎笑馬國明童樣天然呆

 

歌手吳若希(Jinny)出道以來屢遭網民攻擊,連家人亦被牽連,為保護家人已不止一次公開與網民駁火,奈何狙擊未有停止過。前晚,Jinny再次難忍某位網民多番出言侮辱,甚至攻擊女兒Giselle!該網民問Giselle有冇爸爸,Jinny即發火還擊:「冇爸爸點出世?你條女知唔知你把口咁臭!」其後連續六次發文反擊,還起該網民的底,上載對方的相片並嬲爆寫道:「你想出名唔通唔幫你咩?~叻~一而再再而三挑釁我,做乜啫你?講咗幾次,唔好攞我個女嚟玩!你係咪有病啫!鬧你咪鬧你囉使畀面你?」

其後,Jinny公開對方的生活照及與女友的合照,反問對方被狙擊是否好好玩、若欺凌是發生在他身上會有甚麼想法等。連珠炮發去到第6個Post時,她似乎已下火地說:「好啦~我玩完啦!你嘅世界真係好唔公平,所以你要將唔公平發洩喺人哋身上~我都好多謝你~等我發現呢個世界原來對我好公平~」

最後刪Post:不代表退讓



網友對Jinny的反擊有撐有彈,有人加油打氣,亦有人認為她的處理方法不夠成熟,最後她刪除所有Post,並指不想再爭吵:「刪Post並不代表退讓,只是同理心告訴我,事情要告一段落。懇請大家尊重我的家人。」而Jinny在截稿前未有回覆。

文:音樂組

贊助商:

討論:
分享: