李佳芯被張振朗揸Pat:撞鬼咁!


2017-09-08 07:00

跟蹤提及過的人和物:

上一則新聞: 林海峰尋仇 黃秋生傷膝

 

李佳芯和張振朗在劇集中有不少床戰場面,指當時勁尷尬的張振朗自爆有打對方PatPat之餘,還要出「龍爪手」揸多一下,認真「落力」!而李佳芯則笑指自己當撞鬼:「唔記得有咩係掂到、有咩掂唔到!」

藝人李佳芯(Ali)和張振朗在無綫熱播劇集《踩過界》中分別飾演法官和私家偵探,兩人不但在劇中擦出愛火,Ali更為被控謀殺的張振朗放棄法官尊貴身份,「踩過界」做大狀幫對方辯護,認真有情有義。張振朗坦言最感動的一場戲是Ali探望被羈押的他:「我見到佢眼濕濕入晒戲,我都入晒戲,之後講到我咀佢,我好鍾意嗰場戲,當然係除咗咀嗰方面。」

提到兩人在劇中不乏「激戰」場面,張振朗說:「有啲尷尬,有一下導演叫要我拍佢PatPat,我都諗咗陣,到我拍完佢(導演)仲話唔夠狠,要我揸多一下。」Ali則說:「我都唔記得有咩係掂到、有咩掂唔到!撞鬼咁!(有冇睇番有冇掌印?)咁又冇!」

眼神滲「姣味」



提到有不少網友「讚」Ali眼神滲出「姣味」,她笑指其實是雙眼發光:「真正嘅Ali見到鍾意食嘅嘢都會雙眼發光!」問張振朗是否認同網友睇法?他反而覺得Ali入戲時似足法官咁嚴肅:「反而係我對佢單眼!(你成日同啲女仔單眼?)係啲女仔同我單眼,但係我鍾意被動啲、乖啲、斯文啲。(緋聞女友陳芷尤係呢類?)我都相信佢都好乖同好斯文嘅!」

文:影視組

攝:吳文聰

服裝:N12H、reve_world(李佳芯)

造型:KatieDyus(李佳芯)

電單車:DucatiHongKong

贊助商:

討論:
分享: